薛家燕前晚喺尖沙嘴出席「10月乳癌關懷」活動，佢話繼早前好友陳儀馨因為乳癌離世後，估唔到又接到另一個噩耗，佢話：「早排我收到個朋友胡桂蘭電話，佢係舊歌手，佢同我傾開，話自己有末期乳癌，當時我聽到都好難過，點知上個禮拜佢老公打嚟，話佢已經過咗身。」家燕姐話佢每兩年去檢查，仲話：「汪明荃都係及早發覺，都完全康復啦，好過尾期發現要化療仲辛苦啦。」