網友jiany164放喺Youtube嘅短片，好得人驚……
話說片中男主角揸住自己部Jeep喺高速公路行駛途中，眼見前後一部車都無，內心已經覺得奇怪；此時，佢從後鏡望到有部飛機朝自己部車方向飛緊過嚟，兼放咗起落架準備降落，跟住當然係踩盡油門離開，但最後都係失敗，仲要被機頭壓住車尾推行，一直行行行，行咗大約800米左右（我估），前面竟有一位婆婆揸住部車慢慢行，響安撥手叫佢離開，婆婆一於話之你，但當飛機喺婆婆身邊行過時，都嚇得目瞪口呆。
哈哈哈，係咪以為段片係真嘅呢？其實係電腦動畫嚟㗎咋，但係勝在夠逼真囉！
其中網友Senimator回應，話段片好逼真，而故事講及嘅405號公路喺現實世界中經常擠塞，並唔希望真係有飛機被迫在此降落；另Wolfie123123則話拍得好，感覺好似套Jeep嘅電視廣告咁。唔知你又點睇呢？
記者：鄭達基
http://www.youtube.com/watch?v=m98jzqjgrs8