英超開鑼，大班Friend聚埋一齊邊打牙骹邊睇波最過癮，網友slipperyfloor_cindy喺「Yahoo!智識+」推介油麻地ShakeCafe，$2,400包場（30人）睇波勁抵：「（平均每人）$80有野（嘢）食，有野（嘢）玩（桌球、麻雀、各款棋類、漫畫），又有80吋大投射，勁抵呀；間Cafe好大成千幾呎，老闆話世界盃個（嗰）陣最多坐左（咗）120人呀……幾勁！」「野（嘢）食又大盤，30人有10盤野（嘢）食到勁飽食唔晒，有雞亦（翼）、春卷、伊麵、炒飯、沙律等，仲有芝士蛋糕，好味。」不過玩得開心都要顧及自己安全；𠵱家嘅上樓Cafe，多數只可申請會所牌照，消防條例對人數限制好嚴格，牌照要張貼喺當眼處及列明人數限制，如果一個唔小心違規開P，又咁唔好彩有乜冬瓜豆腐，真係隨時連保險都無得賠畀你。
http://hk.myblog.yahoo.com/jw !r3H.cCiBGBb3g_.xH842.UYY/profile