現年26歲的謝霆鋒和張栢芝日前秘密奉子成婚，成為近年圈中最年輕的明星夫妻。兩人將生米煮成熟飯後，凸肚新娘栢芝昨日致電向中國星老闆娘陳嵐承認婚訊，指結婚經過深思熟慮，並非一時衝動。至於昨日由內地返港的霆鋒，則頸繫與嬌妻相同的定情西藏天珠，他在機場外正式宣布：「我係結咗婚。」並大晒無名指上的結婚銀戒。
謝霆鋒翻撻張栢芝後終於修成正果，日前本報率先獨家披露鋒芝奉子成婚，在菲律賓附近的小島註冊結婚。前晚穿鬆身衫遮掩微凸腹部的栢芝由台灣返港，雖然沒有戴上婚戒，但頸上卻掛有傳聞具辟邪力量的西藏天珠，昨日霆鋒返港時頸上也掛有同款天珠，似乎二人又多了一樣新的定情物。
春風滿面
機場大晒定情天珠
今次鋒芝秘密結婚，據知他們在菲島舉行婚禮時的確未有邀請任何嘉賓見證及到場觀禮，故有指陳奕迅為他們作見證人實為誤傳。不過栢芝返港後已致電向所屬的中國星老闆娘向華強太太陳嵐補鑊，昨日本報記者致電向太時，她也承認曾接栢芝來電，向太說：「今日栢芝打畀我，話同霆鋒結咗婚，佢話經過深思熟慮，唔係一時衝動。婚都結咗，希望佢哋幸福。」問到栢芝有否提起懷孕一事，向太說：「佢同我講唔係。」
另一邊廂的霆鋒昨早由內地返抵香港機場，甫出閘即被約30名記者包圍追訪，戴上黑超的霆鋒頸上掛着與栢芝同款的定情天珠，現場見他心情大好，笑容滿面，雖然不斷被追問婚訊，但他只一味笑到合不攏嘴，故意將戴着婚戒的左手插在褲袋內，邊行邊重複說：「出咗去先講，唔好阻住人哋。」直至行近富豪酒店時，他才停下腳步嚴肅地向傳媒承認婚訊，霆鋒說：「我淨係可以講，就喺今日聽咗好多報道，多謝大家關心，我係結咗婚。」他隨即晃動左手兩秒，大晒無名指上的結婚銀戒。再問霆鋒是否奉子成婚時，他說：「我淨係講咁多。」之後問他低調結婚是否怕影響事業、如何向栢芝求婚及唱片公司有否反對婚事等問題，他一律笑而不答。
中國人傳統上為怕胎兒小器，通常胎兒滿三個月後才會承認懷孕，霆鋒被問到何時做老竇，只是不置可否地答：「唔講呢啲啦。」有記者問霆鋒知否栢芝何時生產？他即打從心底笑出來，再以堅定語氣說：「唔答，唔答。」他也拒絕回答想生男還是生女，以及會否給栢芝承諾。登上其座駕前，有記者問霆鋒能否再騷婚戒，他則正經地說：「冇咁嘅必要。」之後便返回其馬己仙峽道寓所，與在家中盼郎歸的栢芝享受二人世界。
四哥高興
「個仔開心戥佢開心」
今次謝家家有喜事，霆鋒父親謝賢（四哥）昨日在電話中難掩喜悅，記者問四哥對栢芝有何看法時，他笑說：「個仔咁開心，戥佢開心囉。」提到霆鋒26歲便結婚，會否擔心其事業受影響，四哥說：「點解要擔心呢？人生必經階段，遲早嘅事啫，姻緣到吖嘛。」至於霆鋒曾否就結婚一事跟父親共商，四哥稱：「仔大仔世界，仔咁大個，自己揸主意啦。」再問四哥知否栢芝已懷有霆鋒骨肉時，他說：「應該唔係啦，家庭事我哋知嘅。」
四哥和前妻狄波拉昨日曾分別與電台節目主持人查小欣通電，查小欣在其節目中覆述電話內容說：「拉姑講『唉，太複雜，遲啲先同你講。』而我問四哥『係咪做證婚人』，佢話『上星期去咗上海同深圳打golf，而且呢啲係家事』，我問佢『係咪做爺爺』，四哥就話：『係呀？如果個天送嚟又唔拘喎！』」
昨晚向太在灣仔君悅酒店出席公開活動時，被問到栢芝有否要求解約全心做謝太時，她說：「栢芝冇意思話解約，我又冇意思同佢終止合約。唔會有大影響，佢拍戲啫，啲人都係鍾意睇佢嘅戲。」問向太會否送禮賀栢芝新婚，她說：「等佢擺酒先送啦，算命話我仔女今年有喜事，估唔到原來係講栢芝。親生仔女都冇得理，我諗佢哋諗得好清楚，唔係一時衝動。你哋冇問英皇咩？佢哋冇激死咩？」
採訪：張俊銘、顏英儀、卓寶花
攝影：葉君海、娛樂突發組
