賠率，係一組數字，每組數字，都有佢背後含意。話腰圍38等於肥，「70」就代表高齡，係唔係定理？對於一個NBA球員，38腰都可以好「弗」；彌敦道兩旁僅存嘅榕樹，唔過百年都未夠歷史。
正如賠率，反映球隊勝出嘅可能性。倘遇兩場賽事有同樣嘅賠率組合，意味住電腦系統收到嘅資料極為接近，相信賽事情況極其相似。加上操盤手嘅開盤手法，配合足夠統計樣本，就可以預計賽果。
講咁多，都係因為我今日嘅兩場德甲推介，會從同樣嘅數據組合入手。亞琛以及比勒費爾德初盤，主W賠率同為1.95，兩場同時開出「讓球主客和」讓一球，而「客勝」初步賠率亦同樣係1.75倍。
數據一致支持
今季馬會開盤，各項賽事主勝賠率1.95、「讓球主客和」開出讓一球有22場，最終4次「主勝」、5次「和局」同13次「客勝」。「主勝」贏出率只得極低嘅18%。而各項「客勝」賠率1.75共開24場，結果6次「主勝」、5次「和局」、13次「客勝」，「客勝」成功率高達75%！
如果只計馬會今屆德甲開盤嘅統計，「主勝」由1.8到2倍、開出「讓球主客和」共9場，主隊居然無贏過，仲輸咗7場。各項數據一致支持，如此今晚一於捧受讓嘅波琴同埋科特布斯。
強尼
有線球彩台主持
電郵：[email protected]