愛車被盜，還被賊人勒索，是不少車主的噩夢，如果車輛最終被「撕票」，車主可謂「喊都無謂」。富利堡集團主席黃毅力表示，「標車參黨雖然唔算普遍，但久唔久都會發生，唔畀錢就燒車，因為警方堵截偷車嘅工作做得唔錯，偷車賊好難出到手，倒不如燒咗佢，一拍兩散。」
他說，GPS衞星定位系統，以及透過手提電話發射站追蹤車輛位置的感應器，可以協助車主尋回失車，但「預防勝於治療」，車主除了要裝備汽車防盜裝置外，還要留意泊車位置是否安全：「太靜、太暗嘅地方，都係高危位，最好係揀啲夠光，喺管理處或者更亭附近嚟泊，希望多個人幫手睇住。萬一被偷車，要盡快報警，唔好屈服。」