無綫上位男藝人馬國明個性戇直，更被封為木獨小生，不過他今年演出機會浪接浪，更有份參演台慶劇《肥田囍事》，有望奪台慶飛躍進步男藝員獎，但他卻慨歎：「唔係我想唔想，係睇公司畀邊個。」
馬國明在幕前雖然形象文靜，但他本身卻是運動健將，除是明星足球隊成員外，對籃球同樣興趣濃厚，間中還會相約好友切磋，難怪年前獲無綫選為奧運六星之一，順理成章成為力捧對象。
可惜馬國明上位前期，經常被批評演技木獨，直至近年才開始轉型，他說：「我唔演啲咁木獨嘅角色會好啲，最記得當年同林峯合作《再生緣》時演病壞書生，但俾人批評話木獨，嗰次係最hurt嘅一次。」
睇好胡杏兒
不過今年馬國明演出機會大增，演技獲好評之餘，更有份參演被視為台慶獎項大熱的新劇《肥田囍事》，大大增加奪獎機會，馬國明卻直言對奪獎信心不大，他說：「近年只係多咗演出機會，獎係人頒畀我，唔係我想唔想攞，睇公司畀邊個。」不過馬國明卻睇好《肥》劇拍檔胡杏兒奪最佳女主角獎，他說：「佢犧牲好大，而且好畀心機。」
馬國明入行後曾分別與曾華倩、徐子珊及陳敏之傳出緋聞，他笑言希望真命女友並非圈中人，並說：「好大壓力㗎，一齊同分開都要同大眾交代，我鍾意簡單啲、思想成熟嘅女仔，過一啲喺屋企煮飯睇碟嘅生活，已經好滿足。」
採訪：卓寶花 攝影：陳順禎
