媽媽走了，想起兩年來病榻上的母親受盡癌魔折磨，自己卻沒有好好陪伴左右，孩子想哭，只是欲哭無淚。一篇孝子悼亡母的訃聞傳遍網絡，賺人熱淚。網民深受感動，先後留言致哀慰問。一時間，胡鬧無聊的討論區化做一室小靈堂，哀思瀰漫。
網民「dell1984」在香港討論區留言，表示其母於本周二因病過身，做孩子的，悔不當初：「媽媽因癌症喺醫院病逝了，到𠵱家，我都唔相信眼前呢個事實，因為我真係接受唔到。我太唔捨得佢，佢有病嘅兩年，我無為照顧佢出一分力。到佢走咗，我只係識得呆咗，連喊都喊唔出。」
網民紛留言安慰
平時嬉笑怒罵的討論區，氣氛急轉直下，訃聞一出，網民同聲一哭。「181804」說：「我有時都會想像下，媽媽離開咗我之後我會點？So（所以）我現在都想好好珍惜佢，我都唔想呢啲嘢咁早發生，你都要堅強吧。」綾小路說：「節哀順變，樓主之後嘅日子要積極啲，咁你親人都會感到安慰。」
Dell1984向網界友好謝過：「各位，好多謝大家嘅關心，但我真係好痛心，因為我媽媽生前係好錫我，但我唔識得去孝順佢，只係識得去罵佢，覺得佢煩，又唔花多啲時間去陪佢，只係一直以為佢會無事，佢會好番，其實我自己喺度自欺欺人。」還是老老套套的那一句，珍惜眼前人！