中大聯合書院50周年金禧院慶於本月15日揭幕，活動為期一年，主題係「務實創新、聯合邁進」。今次院慶活動真係多籮籮，繼9月中嘅開幕典禮同啓動禮後，10月14日亦展開院慶專題展覽，之後10月20日金禧院慶典禮接踵而來，屆時仲請到李國章同岑才生做主禮嘉賓。
11月18日晚就有移師沙田大會堂演奏廳金禧音樂會，值得一提係晨興學院候任院長莫理斯爵士，以及日本研究學系水戶考道教授嗰晚將會合作鋼琴二重奏。12月2日晚「濃情金禧夜」，地點喺灣仔君悅大酒店。上述三個活動已經賣緊飛，各位咪遲疑啦！
講開中大，順便同中大校友會聯會主辦嘅陳震夏中學同張煊昌學校賣吓廣告，呢兩間學校喺沙田提供一條龍服務，陳震夏雖然舊年第一年考會考，及格率已經有六成二，今年就升到八成三，打入沙田名校之列，至於小學，反應亦好唔錯，張煊昌創建全方位教室，比一般班房大兩倍，小一今日截止報名，想讀快手報名。