大陸食物質素一向得人驚，今次網友森爺Post咗段標題為「大陸創意毒食物」嘅文章上網，引起網民極大回響，有五千多名網友查看。甚麼硫磺蒸饅頭、頭髮豉油、輸入香港嘅東江「屎」水事件，講真全部都唔鬧唔得，網友血香簡單一句：「極度反感。」已足夠表達大家憤怒，~零~嘅回應更加諷刺：「真係偉大的祖國，啲意念竟然可以咁創新~」講吓講吓，話題拉到由國家質量監督局同中央電視台合辦嘅節目《每周質量報告》，網友javaj搵到一共58集嘅節目專題──《扒雞裏的秘密》、《早產的「鮮」奶》、《泡菜「驚心」炮製》、《「毛髮水」醬油讓人發毛》等等，雖然無節目內容睇，不過齋睇標題都知唔慌係好嘢，好在呢啲食物甚少流入香港啫。
http://www.gaforum.org/showthread.php?t=115843