黎諾懿向來扮演乖乖仔角色，今次在劇集《滙通天下》中破格演繹橫蠻少爺，入型入格。最近他經常和鄭伊健及蒙嘉慧打羽毛球，因而有指他是「蒙麵戀」的媒人，不過黎諾懿表示喜愛一班人打友誼波，似在暗示媒人不只他一個。
無綫小生黎諾懿向來演出的角色都是忠忠直直，不過他在劇集《滙通天下》中，卻因家族鬥爭和父母的唆使而走上歪路，可謂破格演出。對於首次拍攝古裝劇，黎諾懿坦言最辛苦的並非剃頭或到內地拍一個月外景，而是擁有一身健康膚色的他為了拍劇而刻意漂白，他日前接受訪問時笑說：「清朝啲人冇咁黑㗎，所以要用護膚品漂白啲皮膚囉。其實今次學到好多嘢，因為去咗橫店拍足一個月外景，第一次出埠拍劇，成班人一齊好好玩。」
戥蒙麵戀開心
當日訪問在桌球室進行，原來除了令鄭伊健和蒙嘉慧撻着的羽毛球外，黎諾懿的桌球技術也不俗，他說：「我好鍾意玩到好攰嘅感覺，所以成日都會一大班朋友一齊玩。」當問到是否做媒人撮合蒙麵戀時，他說：「𠵱家個個都話我係鄭生（鄭伊健）同YoYo（蒙嘉慧）嘅媒人，其實打親波都會好大班人，我只不過係兩個都熟，我哋三個都係好朋友。咁拍拖係開心事，如果係真嘅話，我當然戥佢哋兩個開心啦。」看來黎諾懿似是暗示做媒人的不止他一個。
採訪：藍文浩 攝影：陳順禎
場地提供：Joe'sBilliards&Bar,ICCCity
服裝提供：Puma,Chevignon
