鋒芝戀開花結果，二人秘密結婚的消息曝光後，圈中人士極表關注，紛紛送上祝福，惟獨栢芝舊愛陳小春聞得喜訊後即時黑面。
陳小春：今日聽到人講，恭喜佢恭喜佢。朋友嘅嘢，擺酒嘅話就會通知我，我車牌係9，唔係8。祝福佢哋梗係會啦，真嘅話，希望佢哋從一而終，唔好再有ABCD君出現。
陳曉東：如果係就fantastic，但證實咗未㗎？係真嘅話我會打電話去恭喜佢哋嘅。祝福一定會，有乜嘢事我會打電話畀佢（指舊愛栢芝），佢開心，我都開心，咁多年朋友，有感情。
汪明荃：結婚就梗係祝福佢哋啦，又襯又靚，有人照顧梗係好，同行仲更加互相了解㖭。
梁漢文：我完全冇聽過喎，淨係知道佢早前去旅行，但唔知佢哋去邊，如果係都恭喜佢哋。
陳奕迅：今日有聽過，不過好多個月冇見過霆鋒，佢啲嘢我不嬲都唔理，留番佢哋自己講。