不經不覺，許志安加入樂壇已經20年，早前他就跟一班歌迷慶祝，還大派用過的隨身物品，不知會否嗅到安仔的汗水味呢？
入行20年的安仔累積了不少來自香港、內地、日本和台灣等亞洲地區歌迷，為了慶祝偶像入行20年，早前fans在尖沙嘴帝苑酒店舉行自助餐聚會，安仔當然有出席，還跟70名歌迷一起玩遊戲，又大派隨身禮物包括帽、衫和戒指等。
安仔表示跟歌迷聚會不多，每年可能只得一次，所以猶如牛郎會織女般矜貴，他說：「係呀，我係織女，我七月初七出世，一年一次都覺得少，平時工作太忙，好難抽時間，咁啱我呢排拍完劇有時間，就同班歌迷聚一聚。
自嘲電腦白癡
他續說：「數數手指，唔經唔覺都入行20年，好多歌迷跟咗我好耐，今次特登帶好多隨身物品送畀佢哋，全部我都用過，又好鍾意，希望佢哋唔嫌棄，都會鍾意我送嘅禮物。」
安仔這位「織女」，不能經常跟歌迷聚會，正好潮流興寫blog，問安仔為何不效法其他歌手寫blog？他說：「我係電腦白癡，平時玩電腦down機，都係call姨甥仔幫手，不過我都覺得呢個方法幾好，相信我咁嘅年紀學電腦唔會太遲啩。」
安仔知道有歌手在blog中訴衷情時說：「我都怕自己有感而發，寫嘢太露骨，驚會俾人登，所以都要諗個辦法。有人就叫我整個私人留言版，𠵱家都考慮緊，應該會好快實行。」
採訪：楊潔雯 攝影：陳慧安
