新人王浩信推出新碟，要改頭換面，變成hiphop一族，早前拍攝新歌《貓步》MV，邀請「美少女廚神」JJ擔任MV女主角，他奉旨跟JJ跳辣身勁舞，不過卻說最怕見到靚女，動作會變得生硬。
樂壇新人王浩信知道自己之前的形象不成功，所以改變形象回復真我，他日前說：「之前個形象唔係自己最鍾意、唔係我嘅性格，我同公司講過，今次我可以做自己鍾意嘅形象，行hiphop、funky、R&B風格，所以要跳舞，不過跳舞對我嚟講真係有難度，仲係跳hiphop。我手長腳長咁高大，要跳得好就要比其他人更加勤力，所以練舞真係好辛苦。」
早前王浩信拍攝新歌《貓步》MV，力邀「美少女廚神」曉晨（JJ）擔任女主角，拍攝當日是她的生日，王浩信得悉後即派人買生日蛋糕送給JJ，可惜附近的糕餅店已關門。
熱血沸騰
王浩信拍MV時跟JJ大跳辣身舞，由於新歌的歌詞大膽挑逗，導演要求JJ使出電眼招數，擺動身體舞姿撩人，使勁地挑逗王浩信，最後更把大腿叠在王浩信大腿上，現場即時升溫，令人看得熱血沸騰。王浩信今次奉旨攬女，他說：「最緊要係拍得好睇，之前大家都要夾，不過最怕我見到靚女，動作會好生硬。」
採訪、攝影：楊潔雯
