劇集《學警出更》中有不少大場面，一班演員要攀山，又要涉水，日前陳鍵鋒和吳日言等在馬鞍山的懸崖拍一場追賊墮崖戲，吳日言雖沒有畏高症，但是望見懸崖深不見底還不免大叫怕怕，不敢行近懸崖邊。
無綫劇集《學警出更》一班學警演員不時要拍攝爬山及渡水的危險場面，日前陳鍵鋒、吳日言、李家聲在馬鞍山拍攝一場追賊時失足墮崖的戲份。劇情講述陳鍵鋒在受訓期間，巧遇賊人，於是立刻上前追捕，怎料一時叉錯腳，不慎跌落山崖，險象環生。
獲導演關照
前往山頭拍攝時，一班演員要先爬上山，吳日言特別帶備的手套派上用場，她說：「嘩，個山咁斜，我梗係要戴手套啦，我都係第一次上呢個山拍嘢，拍《學警》成日都要拍大場面，都幾辛苦，不過好彩導演錫住我，呢場戲話我去到山崖前已經扭親腳，所以唔使拍跌落懸崖戲。我雖然冇畏高，不過望落去都幾驚，唔小心跌落去就唔知點算。」
替身代受傷
陳鍵鋒則坦言今次比上一集《學警雄心》較舒服，他說：「第二集我都好少要做危險動作，今集已經交畀其他學警去做，所以舒服得多。」今次墮崖的危險動作也由替身上陣，而替身拍攝墮崖場面時，因為懸崖凹凸不平而不小心被割傷。
採訪、攝影：楊潔雯
