3香港網絡故障出現「搭錯線」情況，有受影響市民在網上大表不滿，更有網民要求賠償。在雅虎討論區內，網友wai_yin852說：「我個電話都打唔到，我打去客戶服務部問，佢哋話網絡冇問題，叫我去空曠啲嘅地方試吓，真係荒謬。」
「冇合約咪換台囉」
在香港討論區網站內，網友pennygarnett說：「我呢個幾月，試過3至4次打畀人，但聽到另一個人嘅聲，撞鬼！」weoneone則建議一眾網友：「冇合約嘅，咪換台囉。」aj4ever更表示：「咁都得，叫佢賠錢啦。」
法律界人士鄧達明稱，在簽訂服務合約後，客人期望產品或服務可以應用，假如網絡故障頻密及嚴重，客戶可以對方毀約為由要求賠償。他稱，合約內的免責條款主要是限制賠償範疇，但合約內的核心服務不可以免責：「電話打唔到，客人可以要求賠月費，但係如果因為電話打唔到，且造成生意上的損失就冇得賠。」
本報記者