有跟車工人搬運貨物時，失足由貨車尾板跌下，扭傷左足踝韌帶，治療逾年仍感痛楚難行，獲安排動手術。他不滿手術後才獲告知韌帶已斷裂及萎縮，而手術未有改善傷患，痛楚加劇，質疑涉及醫療疏忽。另他不滿仍未康復醫生便判傷，判傷結果未能反映實際情況，對他不公平。
從事搬運工作十多年的李大衛，04年4月工作時發生意外，左足踝受傷。他說：「意外發生時我搬緊人造皮，喺架貨車跌落地，左腳『拗柴』，即刻腫晒！之後一直喺明愛醫院嘅骨科睇，醫生話懷疑韌帶撕裂，開咗啲止痛藥、病假同安排我做物理治療。」
可是服藥及物理治療未有令痛楚改善，情況持續一年多，「隻腳過咗一排雖然消咗腫，但係就無晒力，行路要好慢同踎唔低，試過行行吓街，突然痛到郁唔到，要報警送去醫院。」去年8月，明愛醫院安排為李大衛進行手術。
不滿工傷判決結果
他不滿地說，手術後醫生才告知其中一條韌帶斷裂，需要重新接駁，另一條則已萎縮。「醫生話割開我隻腳先發現有條韌帶斷咗，另一條就萎縮，佢同我駁番斷咗嗰條，加兩口釘固定縮咗嗰條。」
李大衛質疑有關醫生疏忽，未有及時為他動手術處理斷筋，令病情拖延，影響其腳部活動能力。「有咩理由同我睇咗成年都唔話畀我知個情況，拆除石膏後，隻腳仲痛過以前，又成日拉住拉住咁，根本做唔到嘢！」現時他仍需以柺杖助行，未能重新投入工作。
另外，今年6月明愛醫院醫生為他判傷，結果判他喪失2%工作能力。「我隻腳根本未好番，𠵱家行路拐拐吓，仲未返到工，但係醫生就話我無事，我希望可以覆判，但係唔知可以點做。」
明愛醫院函覆，李大衛左足踝受傷後到該院求診，經X光、骨掃描及其他測試並無骨折，後因他感左足踝疼痛及不穩定，骨科醫生遂安排他接受手術，事前已說明手術後可能有足踝繃緊情況，並經其簽署同意書始進行手術。手術中用作固定鬆弛韌帶的金屬釘，乃骨科常用物料，通常不會引致發炎。
韌帶穩定測試正常
醫院在手術後為他安排物理治療，其後其足踝恢復活動能力，韌帶穩定測試正常，沒有感染或發炎症狀，出院後繼續在骨科專科門診覆診跟進。鑑於李先生的情況穩定，今年6月醫療判傷委員會為他判傷，評定有2%永久傷殘，並註明左足踝無繃緊。
根據勞工處資料，市民如因工受傷，該處會將個案由「僱員補償（普通評估）委員會」判傷，勞工處處長會委任兩名註冊醫生及一名勞工事務主任組成委員會，評估僱員因工受傷導致永久喪失賺取收入能力程度，以及所需缺勤病假。僱傭雙方如無異議，勞工處會簽發「補償評估證明書」，列明補償項目及金額。反之任何一方反對判傷結果，可於14日內向勞工處處長提出反對，要求覆檢。如仍不滿覆檢結果，需在六個月內向區域法院提出。
檔案編號：0811025
