陳小春本月中去河南演出一個節目後，有傳同歌迷發生衝突，噚日新浪網報道話有名網友喺討論區張貼文章，講述小春打人事件。佢話當日喺後台發現小春成身酒氣，有個男仔拍小春膊頭要攞簽名，點知小春除低頂帽，推咗佢一下，仲一腳踢佢落地兼夾想打人，最終被制止。小春噚日透過唱片公司否認呢件事，話當日係有人從後搶咗小春頂帽，工作人員上前想搶番，雙方發生碰撞。發言人仲強調小春根本冇打人。