行街忽然覺得頭頂濕濕哋，原來又被大廈外牆冷氣機滴水「擊」中。chichimail4在香港討論區問網友：「有誰在旺角被冷氣機水滴中過？」，回覆者無不表示曾經「中頭獎」，hkangles稱試過冷氣機水入眼，「其中一次喺洗衣街、亞皆老街交界等過馬路，中咗招，過兩日左眼又痛又紅，要睇醫生，一滴水咁細我都中招，又唔見我中六合彩。」
段祥指香港冷氣機滴水問題普遍，「不如問吓邊個冇試過啦。」狄青表示，「如果未試過就真係講笑嘞。」冷氣機滴水這個城市現象，原來已成為遊客必試項目之一，來自美國的Josh在網誌中記下本年中來港旅遊經歷，他說初抵埗時，經常被從天而降神秘水滴弄濕，「怎樣才能避開呢？」後來他發現原來是冷氣機滴水，之後更成為他走在香港街頭的小遊戲，「我會左穿右插想方法避開，這些CityJuice其實挺有用處，可以令你更注意路面情況。」