美國樓市放緩，澳洲亦唔例外，有淡友在《Globalhousepricecrash.com》討論區高呼悉尼樓市勢危，但其他網友一於少理，仲認為樓市其實唔係佢講得咁差。
網友AFool&HisBorrowedMoney說，悉尼有業主在樓市高峯期入市，按揭金額40.5萬澳元（236.9萬港元），可是無力繼續供樓，結果遭銀行收樓。這個擁有3個房間的銀主盤日前僅以26萬澳元（約152.1萬港元）賣掉，較03年的45萬澳元買入價大跌約42%，進一步反映悉尼物業市道低迷。
大蝕讓係冰山一角
網民Balance反駁說：「過去3年成交嘅幾千個物業中，你淨係講嗰四、五個最唔好彩或最笨的買家，就認為樓市冧？點解你唔講嗰四、五個最幸運或最精明嘅業主而推斷樓市轉好？嗰啲樓市『淡友』正利用似是而非嘅證據，借機唱淡樓市。」
另一網友Foundation稱：「受加息影響，我諗悉尼嘅銀主盤會愈來愈多，但公平講句，這類樓盤唔算多，若說悉尼樓市崩潰，未免有啲誇張。無錯，當地樓價的確已下跌，部份地區仲跌得好慘，但過去3年半嘅二手樓買賣中，多數賣家都有錢賺。」
Foundation更列出一堆數字支持其論點：由03年至今年7月的悉尼二手樓交易，有0%至2%賣家賺13.3%，4%至8.5%獲利13.9%，8.5%至20%錄得21.7%回報，逾20%賣家的物主賬面升了19.4%。
報料電郵：[email protected]