「我剛從上海公幹三個月回來，發覺上海的女仔真係好好，唔好話好識天文地理、琴棋書畫，真係樣樣都識少少，但已經好夠，講政治都溝通到，反觀港女，只懂扒打、姑慈、LV，唉！」近日香港人關心上海動態，上海女性也成為話題之一，香港先生在she.com留言大讚滬女，旋即引起熱烈討論。
「儍佬」以過來人口脗講述心得：「唔好看表面啦，上海女人出名大女人，你唔信娶個返屋企試吓啦。名牌，她們不會用真嘢，只會用個A貨同人講係正貨，我以前三個女朋友都係上海識，行咗一、兩年開始現形。」
比港女更「巴喳」
貓仔附和稱：「上海女仔比香港女仔更勢利，佢哋更愛錢更愛面子，你啱啱識佢哋就梗係乜都好，但識得耐咗，你會發覺佢哋嘅一身銅臭比港女厲害千倍。」iloveilove指「上海女人出名惡同巴喳，香港女人根本唔係佢哋嗰皮﹗」
Max堅持港女缺點較多：「上海啲女人差極都起碼煮到個飯嚟食，啲港女八九成以上連煮個麵，加塊午餐肉都唔識。」健一憶述駭人遭遇：「我記得中七時，有個女同學去留學，打電話畀我話好開心，終於識開火煲水了，那種感覺，啞晒！」港男說三說四，有網友反唇相譏，「多餘，有幾多個港男識天文地理、琴棋書畫？講政治？你諗真吓啦，講打咩遊戲機或者仲有話題。」