講起迎囍大酒樓，我印象最深就係酒樓內員工穿着的制服，同酒樓的裝修一樣以喜宴做主題，充滿喜氣洋洋的感覺，好多客人都因為咁嚟擺酒。行到服務台等位，一定有位着上一套混合中國旗袍和日本和服的客務助理笑住迎接你。客務助理Apple︰「初初嚟見工見到套制服，覺得好靚，會諗唔知自己着上身會係點呢？」侍應Eva都話︰「可以着住套制服上身覺得好開心。」難怪一日要着住套制服8小時以上工作嘅佢哋，點做都咁樂意。
而且仲有一樣特別的地方，就是Apple和Eva身穿的制服是絕版，是迎囍開店後的第一套制服，店內新入職及其他分店的員工都已經換上新制服，點解大埔分店咁特別，可以又新又舊？店長解畫︰「你留意一下，大埔店係唯一一間唔係孖舖，即旁邊無其他稻香集團食肆，所以我哋可以特別啲，唔使統一。」
記者：方綺君 攝影：譚盈傑
桂花炒瑤柱$52
亁瑤柱先蒸腍，粉絲先餵湯，再加上銀芽和金華火腿絲略炒，最後用文火放蛋攪勻煮熟，配合淡淡的麻油香，送飯最好。
紅酒黑椒牛柳粒$55
用新西蘭牛柳粒，略醃後煎香，加入配菜和用紅酒和蜜糖等混合而成的醬料同炒，夠鑊氣又惹味。
哈密湯翅$58
先用哈密瓜和雞燉上湯，再加入瓜茸和預先處理好的翅，再燉三個多小時。每煲都足2両滑沙翅，翅身一整塊，入口爽口彈牙。
迎囍大酒樓（21440889）
大埔安邦路8號大埔超級城B區地下136-150號