已掛靴嘅日本球星中田英壽一向我行我素，最近日本足總主席川淵三朗勸佢去打大洋洲冠軍球會新西蘭嘅奧克蘭隊，從而參加12月日本舉行嘅世界冠軍球會盃，到時可提高賽事入座率，亦順便作為佢嘅告別賽。但中田一啲面都唔畀，話自己唔想再踢波，𠵱家環遊緊世界，出年就唞1年，不問球壇事！