合和實業份年報出爐，由於裏面唔會講到最鍾意修橋鋪路嘅胡應湘，係咪真係「賣仔」起橋，亦唔會提及到「冰之驕子」胡文新係咪仲冇拖拍，兼學緊意大利文，於是，個焦點自然又去番兩仔爺啲薪酬度。原來，大細胡兩仔爺今年都冇加到人工！ 大胡哥頓，仲係收緊330萬一年，而細胡就仲平，收200.6萬，算平定算貴呢？其實呢啲嘢好主觀，只可以咁話，對比起好多上市公司，一定係比較平囉！唔信？你試吓去8號仔個管理層團隊，是但執一件，都貴過佢兩仔爺啦！
