一段異國情緣，能否開花結果，一字記之曰：「愛」。塚越惠千里迢迢下嫁港人丈夫，初時諸事不順，完全無法適應，甚至將情緒向丈夫及愛兒發洩，幸得丈夫悉心呵護，友人支持，終克服文化鴻溝。
現與丈夫育有3名1至11歲兒子的阿惠，生於日本，14年前與丈夫結婚，嫁來香港，昨日她以流利廣東話對本報記者說：「初嚟時真係好難適應，唔識講廣東話，簡單到連坐小巴都唔識，好似好冇用咁，有自卑感。」
常把情緒向夫發洩
除了言語不通，很多文化差異，也令塚越惠不知所措：「好似中國人食完啲骨會放喺枱面，飲湯又會個個都用同一隻匙羮，真係同日本人好唔同。」
人生路不熟，又沒有談得來的日本朋友，初來港時阿惠不時以淚洗面，結果將壓力及情緒向丈夫發洩。「我諗佢（丈夫）都好辛苦，我成日向佢發脾氣，仲會諗不如返日本算啦！」後來，長子出生，她才開始適應香港的生活。「有咗個大仔，咁即係冇得返去，咪迫自己習慣呢度嘅生活囉！」
為免終日在家胡思亂想，阿惠曾在日資公司當兼職，「咁樣會冇咁大壓力，我試過太緊張個大仔，情緒失控而打佢。」直至近幾年，阿惠總算找到可傾訴心事的日本朋友，得到丈夫多年的支持，感到生活相當愜意。
綽號「來自日本的老婆大人」的惠美，則在YAHOO！BLOG內訴說自己如何適應在港生活：「因為日本人唔習慣這裏的生活、飲食生活不一樣、所以日本人『駐在妻』會用各種方法、希望可以買到安全的健康食品，及希望得到和日本差不多的生活感覺！」
記者：蔡曉楓