許冠文昨日與太太到將軍澳電視廣播城，出席無綫新節目《一擲千金》記者會，無綫安排《美女廚房》的「粥」、「粉」、「麵」、「飯」、「糖水」、殷櫻和沈囗婷等共26位女藝員，擔任節目的「千金小姐」，許冠文在一眾性感打扮的千金小姐簇擁下開香檳預祝節目成功，滿面春風。
擔任節目主持的許冠文表示節目將於下周日首次錄影，問他可有留意由黃偉文主持的亞視節目《以一敵百》？他說：「冇留意噃，未聽過呢個節目。不過肯定同我哋個節目唔同，我哋26位千金小姐會喺節目度每人拎住一個箱，參賽者有機會獨得電視史上最豐富嘅300萬獎金，仲要一條問題都唔使答。」
與巫雨平斷絕聯絡
另外，殷櫻前男友巫雨平早前被拍得與薛芷倫結伴欣賞演唱會，殷櫻昨日表示與巫雨平已沒有聯絡：「我都有聽人講佢哋睇演唱會，以前喺啲公開活動都有見過薛芷倫，知道佢哋一早已經認識。」
採訪、攝影：卓美娟
