金馬影帝郭富城同楊采妮主演嘅電影《父子》喺今年首屆舉辦嘅意大利羅馬影展度，獲選為14部參賽電影之一，有份角逐最佳影片獎項，佢兩個仲雙雙角逐最佳男女主角，以港產電影嚟講一口氣得到三個提名，可以話係先聲奪人。呢個影展將於下月13號至21號喺羅馬舉行，佢仲係本年度意大利電影文化嘅盛事之一。