港股期指即將結算，連續兩日都高開低收，個市好似散散哋，不過仍有多隻新股排隊上市，之前幾隻喺首日掛牌都有幾成升幅，跟着嚟究竟買唔買得過？抑或買邊隻好？股民在網上議論紛紛。
《香港討論區》網友bacon認為，剛昨日公開招股嘅瀚宇（667）抽得過，因為國際配售部份已經超額10倍，上市首日應該有一定升幅，不過想長線持有就要考慮，因為保薦人寶來往績「唔多好」，今年做過兩隻富陽（352）和友佳（2398）股價仍然潛水。不過，leucocyte就唔係好同意，佢認為瀚宇經營的行業有前景，「你唔覺得愈嚟愈多人用手提電腦咩？」
另一隻備受股民關注的海油化學（3983），網友vodavoda因昨日大市跌咗237點，擔心隻股星期五掛牌時嘅表現；不過Kit708則認為，隻京客隆（8245）首日都沒事，唔使驚慌；反而海油化學掛牌若跌，佢會趁低入貨，升就唔買。
而受到上海市委書記陳良宇被免職消息所影響的瑞房（272），亦為網民所關注。hiphing話上海姑爺今次大鑊，若果上次肯收少啲錢就已經上咗市；𠵱家落咗孖展啲投資者都唔知點算。
在《Uwants討論區》網友PLUTOHPK就以等輸嘅心情去迎接已入飛的瑞房，並祈求唔好畀佢全中（抽到10手）。網友joenet則認為，如早知事件發生，會叫銀行停止過數，最多只係蝕幾百蚊，但現在一切已經太遲。不過，亦有網友認為唔好太擔心，因為瑞房超額11倍，現在新股走勢不錯，「如果第一日沽貨，應會有少少執，可再將錢去抽工行。」
報料電郵：[email protected]