香港的士司機眾多，難免有害群之馬，「BT新人王」在UwantsForum留言稱上周六清晨5時多，在銅鑼灣消遣後於皇室堡乘的士返跑馬地，「都未上橋怪事就發生嘞，個錶突然跳咗一下，16個幾？唔係嘛！我冇即刻出聲，如是者去到跑馬地，睇吓個錶，25皮（元），平時都係畀開15蚊。」
懷疑的士咪錶被做手腳，BT新人王忍不住諷刺這輛車牌LL9xx4的司機，「你㗎車都好鬼馬喎，呢25蚊你袋穩呀。」根據法例，任何人非法更改的士咪錶，最高可被罰款一萬元及監禁六個月。
揸的士四年的Blogger夏霽對一些行家劣行也看不過眼，在其網誌狂情部落中大爆業內秘密，指現時揸的士難搵食，全因七折黨、八八黨、過邨黨、定價黨橫行所致。
他強調，寧願全行一起減價，「講價是沒完沒了的，做做埋埋連個飯盒都搵唔到！講價？即是叫我做義工？」