你今日有冇寫blog？寫blog已經成為圈中人的潮流，就連BMA的老闆娘梁芷珊寫書寫專欄都未能滿足創作意欲，還抽出時間寫blog，並自封「blog神」，她更將blog和專欄的文章劃分得一清二楚，在blog內她會以貼近生活的題材為主，當中包括和旗下藝人相處的趣事，也有寫女兒Eily的生活點滴，最近她更狂踩麥當娜（Madonna）的東京騷沒有睇頭，又大爆容祖兒緋聞男友陳方藤好怕醜，可謂包羅萬有，令跑車男睇到目不暇給。
跑車男日前致電給梁芷珊，她說：「我寫blog已經好耐，盡可能我都會keep住隔日寫，而且寫blog係會上癮，有時幾日冇寫我就會心思思好想寫，因為喺blog裏面，可以同公司同事互相留言，大家可以增進感情。」
