浸會大學今年慶祝50周年，特別多活動，除咗下周日個大party之外，各院系都各自做嘢，其中傳理學院新聞系就設立普立茲新聞獎（PulitzerPrize）得主工作坊，邀請在美國獲得呢項新聞界最高榮譽獎項的得主來港交流，佢哋打算每年請三位得主到浸大作為期兩周嘅學術交流，辦講座研討會等，與學生、傳媒人以及公眾分享經驗。
普立茲新聞獎一向被美國新聞工作者視為最高榮譽，在全球亦備受推崇。呢個獎根據美國報業巨頭普立玆遺願而設，1917年首次頒。
近年傳媒一舉一動廣受公眾注意，亦好多爭議；浸大新聞系俞旭教授話希望呢個工作坊有助提升香港新聞界嘅職業操守水準。咁有機會等本地同業同美國行家交流，一定係好事。