九月份去韓國至hit話題梗係錦山人參博覽會。皆因秋天去韓國，人參收成最好，而且又最新鮮，網友珍珠就話book咗下個禮拜機票去韓國買人參，佢話𠵱家去錦山買人參肯定好平，因為有個人參博覽會，除咗有人參展覽之外，仲有好多人參製品賣，無論係高麗參或者係其他地方嘅出品都好抵買。網友翠絲都係咁話，佢話佢前幾日啱啱去完博覽會返，佢仲話喺博覽會行前少少嘅人參市場度買咗超抵價人參。翠絲話佢買750g嘅4歲大人參都係10,000won有交易，即係80蚊港紙，佢就大批入貨，買咗一大包1千蚊都唔使。翠絲就提大家想去買平貨嘅話就要快，唔好再等下個禮拜，因為人參博覽淨係展到10月中，蘇州過後無艇搭，10月過後無平參喫。
Ben
www.hk.discuss.com