近年儍瓜DC加入唔少搞鬼功能，不過講到最實際，始終係相質同襟用程度為首。PENTAX就新出咗款長氣王OptioM20，機仔細細，只用兩粒AA筆芯電便可拍攝220張相碼相，用可充式鋰電嘅話更達700張！計法仲要係日本至公正嘅CIPA標準，並非取巧嘅數字遊戲。
OptioM20有齊目前輕巧DC嘅熱門功能，包括700萬像素、三倍光學變焦及2.5"大芒等，而且仲有筆者最鍾意嘅動畫拍攝規格，以640×480（30fps）質素作攝錄，差不多等同DVD級數，慳番部DV嘅使費之餘，出外旅行公幹都帶少部機吖。家陣豐澤做緊30周年Promote，話晒都係相機界名牌，二千蚊有找確係幾抵玩。
記者：徐影龍