瀏覽討論區，網友反應快，邊度加咗價第一時間知。繼早前麥記加價後，今次輪到7仔靜靜雞加價。網友電車仔~彥最先開Post，話「7仔d（啲）燒賣由$6加到$8」。之後網友反應激動，STO話：「我唔好自己係（喺）街市買返屋企自己整。」chuen333話：「真係好過去搶呀，又合法喎。」唔少人都話去街巿買抵啲。咁魚蛋有冇加呢？之後小矇矇就話：「而（𠵱）家都係魚蛋（只可全部係魚蛋），$7蚊2串；燒賣（只可全部係燒賣），$7蚊2串。IF要揀兩樣（即魚蛋一串、燒賣一串），甘（咁）就要比（畀）$8蚊啦。」經小記證實過，發現小矇矇係啱嘅。睇嚟個Post有少少誤會，至令群情洶湧啫。但$7又好，$8又好，網友都話貴咗唔食，睇嚟7仔都要諗諗佢喇。
http://discuss.com.hk/viewthread.php?tid=2387475&extra=page%3D2