日前報道的《賣Chanel的惡魔》，首集未落畫，續集已上映。被投訴歧視低消費顧客的海港城ChanelBA（美容顧問）已被調職，但事件餘波未了，一名自稱「SuperSales」的網民不甘同事受辱，實行大反擊：「客人未必永遠是對的，我哋都係人，你哋班麻煩八婆客放馬過來啦！」
密切留意呢間分店
海港城ChanelBA白鴿眼冷待顧客，被BeautyExchange網民批評態度惡劣，引起Chanel管理階層注意，該公司傳訊部昨日向本報表示：「我哋好重視呢件事，已經向投訴人作出賠償，送咗一次facial（面部美容）療程畀佢。同時已經紀律處分嗰位BA，調離海港城分店，並且安排服務態度嘅再培訓。」
Chanel全港共有16間美容分店，傳訊部稱，海港城分店人流眾多，客源多樣化，內地、台灣及本港客都有，管方已敦促BA必須保持服務水平：「無論如何，我哋會特別密切留意呢間分店。」
事發於上星期，當網界姊妹逐漸平息怒氣時，自稱Chanel受罰BA同事的「SuperSales」卻踩上BeautyExchange論壇，向麻煩友顧客大反擊：「次次個客玩完你，要你幫助化晒個全妝，又一件都唔買，仲要話你啲colour唔上色，好麻煩。」