公開大學昨晚舉行周年獎助學金頒授典禮，請來官場明日之星、民政局常秘林鄭月娥主禮，林鄭自英歸來，全情投入工作，幾乎乜嘢團體活動都畀面，咁李業廣校監同梁智仁校長叫到，一定冇托手[!997B]。
典禮在何文田公大嘅中國銀行演講廳舉行，有逾300位同學得獎，總金額逾300萬元，全部係社會熱心人士捐助。咁公大學生咁上進又係值得支持嘅，好似攞到「梁智仁校長助學金」嘅黃美儀同學，佢考過兩次高等程度會考，但入唔到U，去咗私立小學做老師，又做過記者，現時已是兩子之母，仍然一邊在幼稚園兼職，一邊到公開大學進修，讀心理學及教育，一定要圓大學夢；咁有毅力，實在值得欽佩。