試想像你是電視節目「美女廚房」的評判，面對相中的恒生高層，向你展示製成品，你會畀幾多分？ 左起：恒生銀行總經理（個人理財及財富管理）梁永祥、常務董事兼副行政總裁潘仲賢、副董事長兼行政總裁柯清輝、營運總監薛關燕萍，同埋一眾同事及親友，齊齊變身「整餅」師傅，喺該行員工飯堂炮製愛心月餅。 其後由恒生義工隊向深水埗獨居長者，送上精心炮製嘅月餅，到時，嗰批獨居長者先至係評判！