周中歐冠盃戰火再燃，咁多場當中，我揀阿仙奴對波圖做重心推介。兵工廠自從首場歐冠作客以2:1擊敗漢堡後，氣勢銳利，先作客擊敗曼聯，上周六在主場大炒錫菲聯，加埋盃賽已3連勝。上季阿仙奴戰歐冠主場6戰4勝2和，以不敗之身晉身決賽，雖然今季轉踢新球場，相信仍無減其主場威力。
波圖喺葡超超班，不過歐冠盃強手林立，上場佢主場對莫斯科中央陸軍，都係互無紀錄；仲有上屆歐冠分組賽，佢淨係贏過1場，最終做小組包尾黯然出局，而以波圖今季人腳，要同時應付聯賽同盃賽，的確令人懷疑，所以今場揀阿仙奴贏波絕對正路，一於揀主客和嘅主勝。
燦美爾單W一定「德」
另一場心水推介，係英甲嘅燦美爾對哈特斯菲爾德。燦美爾季初狀態大勇，上仗主場對住「1哥」諾定咸森林都摸和，至今主場保持不敗，5戰取4勝1和，勝出率高達8成，佢仲係現時英甲主場失球最少嘅球隊，防守力確有保證！
相反哈特斯菲爾德就認真麻麻，上仗作客擊敗實力一般嘅史雲斯先打開今季作客首勝，更終止連續6場不勝厄運。往績方面，佢近10次作客燦美爾8次輸波，明顯輸蝕。求穩陣嘅，揀個主客和主勝啦！
阿鵬
有線球彩台主持
電郵：[email protected]
PHONE波熱線：1831678