周星馳年少時原來最喜歡到慈雲山及太古城一帶流連，更猶如街頭霸王，在街上玩自由搏擊，或扮李小龍拍8米厘。近日，有讀者提供了一張當年星爺街頭歲月的照片給凌零發，星爺緬懷過去之餘，更痛惜珍貴舊照片大多已經遺失。
本報「ClickClick情報科」日前接獲讀者HazelWu報料，指她父親20多年前與周星馳認識，Hazel並提供了一張她父親與星爺及兩名友人的陳年合照，以及一張她父親拿着舊照片拍攝的照片，以證明她父親當年確認識星爺。
「成名後冇聯絡」
相片中的星爺蹺起雙手與友人合照，樣子如街頭霸王般神氣，不過，凌零發事後跟Hazel的父親胡先生電話傾談時，胡先生卻拒絕透露自己是照片中哪一位，只說：「我中三、四嗰年透過朋友認識周星馳，當年我哋經常走去太古城同以前慈雲山石礦場玩，學人打自由搏擊，又拍吓8米厘，當年周星馳已經好鍾意扮李小龍打功夫，佢嗰陣時係受其中一個朋友影響迷上李小龍。我哋都friend過幾年㗎，不過，自從佢做《430穿梭機》出咗名之後，大家就再冇聯絡。」
舊照多已遺失
凌零發昨日致電星爺，談到他未入行前經常到慈雲山石礦場玩自由搏擊，星爺直認不諱，再問他是否經常拍8米厘扮李小龍，星爺說：「呢個我都有印象。」不過一提到他當年追女仔追到俾人打，星爺即笑說：「咁呢個我就冇印象。」星爺對於陳年照曝光顯得極感興趣，還反問凌零發說：「嗰個人係咪寄埋以前啲相畀你？可唔可以畀我睇睇，我以前好多舊相都冇晒。」
