今季喺呢個「刀仔鋸大樹」地盤，主張小注出擊，唔在意中單頭可補本呢個道理，最緊要次次只需幾十蚊就可，等大家唔使跟一次半次就使咗一千幾百咁輸到無信心。
華倫西亞上一輪歐冠秩序，作客同奧林比亞高斯嚟個「大手成交」比數，華倫作客贏4:2，差少少開埋個「其他」波膽。今輪主場對住上輪又係「大」捷、主場贏薩克達4:0嘅羅馬，唔好畀佢停，一於向「大」波膽埋手，但博和局戰果，敲2:2。
薩克達迎「奧」敲1:1
同組另一場薩克達主場對奧林比亞高斯，同樣開和。薩克達呢類東歐球隊，主場威力唔差，不過近年喺歐洲賽表現已每下愈況。奧林比亞高斯情況亦然，以前希臘球隊好叻主場搶分，但𠵱家情況相反，作客打得更穩陣。今仗應該無華倫嗰場咁易開「大」，即管敲熱門嘅1:1波膽。
筆者近季真金白銀買中好幾次波爾多主場同對手踢成0:0波膽，聽日波爾多喺歐冠盃又逢主場作賽；對手雖為荷甲聯球隊燕豪芬，估計波軍都未必太主動同燕豪芬鬥攻。上一輪兩軍同時做出0:0戰果，可以追多次呢瓣。
索菲亞利夫斯基上一輪作客巴塞遭大炒。不過今次索軍留守保加利亞迎戰車路士，博「車仔」小勝1:0。