噚日內地嘅新浪網登咗一個以周潤發名義發出嘅聲明，內容係否認發哥日前喺記者會講到有關《滿城盡帶黃金甲》嘅內容，話係記者亂作，佢本人根本冇講過，仲話會保留追究權利。馮仁昭即刻搵發哥求證，佢話唔知有呢個聲明，仲話：「嗰日我話電影公司自己買飛搵人睇戲，自己讚自己，全屬戲言，只係想搞氣氛。如果因為咁造成有關方面有影響，咁我喺度講聲唔好意思。」