本地雜錦碟粗製濫造，一招「歌仔大堆頭」、再嚟多招「雙CD單碟價」，基本上已不愁沒銷路。反而發燒錄音界就幸福得多，只要製作夠認真、音效有番咁上下，即使「單CD要雙碟價」，捧場者依然大有人在，好像近年熱賣到出完又出的《BestAudiophileVoices》系列，第五輯CD才推出了不久，有點意想不到第一輯會突然推出XRCD版本，售價比CD貴接近一倍的炒雜錦專輯，表面上睇係兵行險着，但我聽了一陣子便明白此碟貴一貴也大把人買的原因。
這張XRCD清一色由14把靚絕的女聲所組成，夠膽講你有玩Hi-Fi的無可能唔識晒碟內每位爵士女伶；打頭陣的JaneMonheit，清唱《OverTheRainbow》半分鐘已令我乖乖的坐定定繼續聆聽，雖然自己早已擁有普通CD版，但細聽15首歌仔，這張XRCD的確靚聲得交關，尤其是女聲的質感、伴奏樂器的層次之佳，竟令人忘記這是一張雜錦碟。
文：李廸偉（hk.myblog.yahoo.com/reviewcd）