楊恭如和樂基兒昨日擔任一個Lolita造型比賽的評判，參加者中除了婆婆、少女和小女孩外，更有男孩子，恭如雖大讚這個男版Lolita，但表示若然男友有此癖好會很抗拒。
楊恭如、名模樂基兒和LMF成員MC仁昨日在觀塘apm商場，擔任一個Lolita造型比賽的評判，50多位參賽者中包括有3歲的小朋友、10多歲的男孩，也有80多歲的婆婆，造型生鬼，逗得三位評判笑不攏嘴。
萬聖節扮兔仔
恭如大讚一名男版Lolita造型十分漂亮，但問她會否接受兒女作Lolita打扮時，她則說：「以前喺東京見過好多Lolita，呢個文化好靚好可愛，女仔冇問題，若然係男仔就真係唔好，女仔要着番似女仔，男仔要着番似男仔。」問她若男友有此癖好？她即時很大反應說：「唔好啩，呢個文化冇唔好，冇問題，但我自己都唔慣，唔鍾意着到古靈精怪引人注意。」她還補充若然在萬聖節以此打扮沒問題，她說：「以前我細個喺加拿大讀書都扮過兔仔。」
兩女早已認識
此外，恭如曾與黎明合作，問她是否認識樂基兒，恭如說：「以前見過面，我哋有個commonfriend。」問這個朋友是否黎明？她即撒嬌地說：「唔好撐到咁遠，我同佢識嗰個朋友係女仔嚟。」樂基兒在台下評分時則不時大笑，十分投入。
採訪：吳天慧攝影：葉君海
