【本報訊】行政會議成員張建東盛傳因身患惡疾久未露面，另一成員羅仲榮旗下工廠則涉嫌令多名工人中毒，立法會議員劉慧卿為此去信特首曾蔭權，表示關注以上兩名行會成員近況，希望曾蔭權交代。
傳聞張建東患血癌
現年59歲的香港交易所董事張建東於去年曾蔭權改組行會時被招入局。今年8月政圈傳出張患上血癌赴美求醫消息，至本月初張以私人理由，辭去西九核心文化藝術設施諮詢委員會委員及轄下財務小組召集人一職。行會本月12日復會後，張未有現身。
劉慧卿昨指張建東貴為行會成員，公眾絕對有權知道其健康狀況。她不滿張患病消息傳出多時後，特首依然沒有交代消息是否屬實，強調「就算行會係保密制，唔係等於乜都保密；佢哋有憲制地位，公眾應該知道佢哋係咪有病，而且有冇影響佢哋履行職務。」
同樣於去年成為行會新成員的羅仲榮，身兼金山工業集團主席，近期屢被投訴其內地廠房在生產電芯過程時令不少工人中毒。劉慧卿稱：「久唔久都有呢啲事爆出嚟，佢（羅）又冇回應，我覺得好離譜。」她指羅必須向外交代事件；一旦事件屬實，更須辭去行會成員職位，以免影響特區政府聲譽。她又強調「雖然呢啲係佢嘅私事，但佢唔係普通市民吖嘛，所以一定要向公眾解釋。」特首辦發言人回應時只稱，會向劉慧卿覆信交代。