黃貫中（阿Paul左）同盧巧音有份拍嘅新戲《美好時光》前晚喺IFC首映，佢哋當然都有出席，阿Paul話同導演梁翹柏識咗十幾廿年，今次拍膊頭冇錢收都要幫手，雖然戲份唔多，但飾演變態佬令佢過足癮，阿Paul事前為測試自己造型夠唔夠變態，專登着住條孖煙囱，外披晨褸落街截的士，點知的士駛近，司機見到佢即走，阿Paul話：「證明造型好成功。」