方力申（Alex）和吳雨霏（Kary）昨日以3G大使身份，與關心妍和鄭融等到數碼港出席「飛躍3G火熱嘉年華」。
問Alex有否使用3G電話時，他說：「我好少用視像電話嚟傾偈，試過叫朋友幫手買嘢，佢用視像拍畀我睇。」雖然未試過遺失手機，不過Alex卻十分小心，他說：「我唔會放私人相入手機，仲將藝人啲名改晒，我唔鍾意成日轉款，不過號碼就會成日改喇。」
爆Stephy瘀事
剛自日本回港的Kary，則大爆老友鄧麗欣（Stephy）的瘀事，她說：「Stephy唔知係咪行街行得太攰，娜姐一開show唱到第二首歌佢就瞓着咗。佢又冇方向感，如果我同佢失散咗都唔知點算。」關心妍則透露稍後任蔡一智未婚妻的伴娘，雖然已是第四次任伴娘，她卻笑言不擔心做老姑婆。
採訪、攝影：藍文浩