不少人欠下巨額債項，寧選擇輕生一途，但其實賭債不用血償。戒賭機構明愛展晴中心督導主任鄧耀祖表示，不少賭徒都抱有「博一鋪大」的心態，以為能還清賭債，但只會泥足深陷。另澳門賭場愈開愈多，更是危機四伏，「賭得最大就係喺賭場，最危險喺嗰度仲會有人借埋錢畀你！」
鄧耀祖直言，30多歲仍相當年輕，選擇自殺實在可惜，「佢哋只係欠幾十萬，我哋有個案欠900幾萬，都冇放棄自己生命，最多還錢時辛苦啲。」他說，若是銀行債項，除可選擇債務重組外，亦可宣布破產，至於一旦欠下「大耳窿」，其實只要讓他們感到有誠意還錢，仍有商量，否則可以報警，「佢哋眼中條命根本唔值錢，佢哋都係想要錢，唔係要命。」
可求助戒賭機構
監察賭風聯盟召集人胡志偉批評，政府現時宣傳市民不要沉迷賭博，但方向有誤，未能對症下藥，「政府喺廣告話，賭錢就好似『倒』錢落海，但啲病態賭徒根本唔會聽入耳！」他建議，當局應加重「藥力」在沉迷賭博的嚴重後果，以勸誡市民，並資助更多戒賭機構，令他們求助有門。