公民黨黨部開張大吉，八方發現唔見咗新西支部頭頭陳家洛，原來呢位東歐通，最近飛咗去土耳其開會，所以黨部開幕嘅歷史時刻都唔可以出席，真係遺憾。
記得昂坪車正式啓用當日，陳家洛同班黨友搶閘試搭，唔通佢好熱愛吊車？陳家洛話實情唔係咁，佢話想知道究竟入面運作情況如何，例如店舖營業狀況等，所以要親自去睇睇。
一睇之下，俾佢發現個店舖指南（ShopGuide）原來仲未準備好，所以唔少商店老闆都同佢呻，話覺得Skyrail宣傳認真差，有員工就希望有穿梭巴士接載佢哋，因為佢哋返工放工實在需要太長時間喎。八方希望經陳家洛提一提，Skyrail可以改善吓啦。