港股近期大漲小回，不知不覺升至6年高位，不少股評家更言之鑿鑿，指後市直迫18000點，一定要「上車」云云。不過，有經驗投資者都應該會記得（又或者選擇性忘記），多次慘痛經歷都來自10月，而本港以至全球股市每逢10月多數較波動。
自稱「羊太」的網友於雅虎的財經討論區上，以「港股開始調整未？」為題作討論，吸引約200個回應。
網友傻Ink回應：「HSI上周五跌19點，5號仔同941等藍籌還是升，其他熱門藍籌多數跌，HSI似要插水了，小心，小心！」網友wildwildgi亦認同，話：「特別係當配股活動增加時，真係唔好睇小股市調整嘅速度同深度，大家要小心！」
網友Snoopywy又問：「但係中移動又曾收回失地喎，點解呢？」網友jacky_w0005回應：「上周五真係出事，不過大戶可能未做完嘢，所以托住5號沽941，唔想跌得咁金住，等到呢兩隻股一齊跌就跌啦！現在散戶情緒俾新股搞到非常高漲，金魚舖好多人，小心!」
市盈率未算很高
另一個討論區《XocatIIForum》內，網友supereqo更直接以「股災」為題進行討論，但不信者居多。
billy888話：「我不同意𠵱家會出現股災，因股災通常都係由一些很大很大嘅衝擊所造成，好似911，又或者係沙士咁。」cherryjasonchan就找數據作支持，話：「𠵱家恒指市盈率細過20倍，97同98嗰時市盈率成30幾倍，中國08年又搞奧運，熊市無咁快嚟！」傳統上，本港及全球股市10月份多數較為波動，買賣時宜提高警覺。