你可能曾經幻想一天食餃子會食到鑽石或金幣，但相信沒有想到食餃可能食着膠！近日有網民食用淘大日式餃子時，赫然發現其中一隻內含一個直徑有如一元硬幣的水喉膠圈！
「今朝起身，洗完面，立即叮咗一包淘大叮叮餃子醫吓個肚先啦！叮完，食第一隻的時候，咬呀咬，突然咬到啲硬硬哋又軟軟的東西……」不幸食餃食着膠的是網名「滿足」的網民，他上周在迷你論壇分享其恐怖經歷。
「想食死人咩！」
「好彩我冇吞落去，如果唔係真係唔知點算！」網民「滿足」將問題餃子和膠圈拍照上網，隨即引起熱烈討論，網民「迷你戀世代」語帶諷刺地回應：「恭喜，你中獎了！」網民「化化＊」批評：「咁都夠膽拎出嚟賣，想食死人咩！」
記者接觸「滿足」，原來他是去屆會考取得八優成績的尖子生。他透露該包「加料」淘大日式餃子由母親在天水圍新北江商場的佳寶凍肉超級市場購買，每包價值6.5元。
淘大震驚誓徹查
「我經常當早餐食，不過以後唔敢食啦！」「滿足」又將其母同日購買的另一包淘大日式餃子交予記者拆開，但沒有發現任何異物。
記者向淘大食品查詢，發言人表示非常震驚：「我哋嘅食品製造過程有嚴格規定，唔會容許工人將膠類物品帶入工場，我哋一定會徹查，了解係程序出錯定係人為因素，最擔心係有人惡作劇！」
食物環境衞生署表示，市民如欲投訴食物品質，可致電食環署熱線28680000。
